ത്യപ്പൂണിത്തു ശ്രീ പൂര്‍ണ്ണത്രയിശക്ഷേത്രത്തിലെ മൂന്നാം ഉത്സവദിനമായിരുന്ന 09/12/07ന് രാത്രി 12:30ന് കുമാരി സുകന്യ ഹരിദാസിന്റെ പുറപ്പാടോടുകൂടി കഥകളി ആരംഭിച്ചു.
ശ്രീ പാലനാട് ദിവാകരന്‍,കലാ:ഹരീഷ്,കലാ:രാജേഷ് മേനോന്‍ എന്നിവരായിരുന്നു സംഗീതം.
ശ്രീ കലാ:ക്യഷ്ണദാസ്,കലാ:ശ്രീ ശ്രീകാന്ത് വര്‍മ്മ എന്നിവര്‍ ചെണ്ടയും ശ്രീ കലാ:പ്രകാശന്‍,കലാ: പ്രശാന്ത് എന്നിവര്‍ മദ്ദളവും കൊട്ടി.
തുടര്‍ന്ന് കല്യാണസൌഗന്ധികം കഥനടന്നു.
ശ്രീ കലാ:ക്യഷ്ണകുമാര്‍ ഭീമസേനവേഷത്തിലും ശ്രീ ത്യപ്പൂണിത്തുറരതീഷ് പാഞ്ചാലി വേഷത്തിലും എത്തി. ക്യഷ്ണകുമാര്‍ ആട്ടത്തില്‍ പലഭാഗങ്ങളിലും ഗോപിയാശാനേയും ബാലസുബ്രഹ്മണ്യത്തേയും അനുകരിക്കാന്‍ ശ്രമിക്കുന്നതായാണ് തോന്നിയത്. എന്നാല്‍ ആട്ടങ്ങള്‍ അവര്‍ചെയ്യുന്നത്ര ആസ്വാദ്യമായി തോന്നിയുമില്ല. ഭീമന്റെ വനയാത്രയില്‍ , വ്യക്ഷത്തിലിരിക്കുന്ന വാനരര്‍ വലിച്ചെറിയുന്ന ഭക്ഷണോച്ചിഷ്ടം ഭീമന്റെമേല്‍ വീഴുന്നതായും, കോപിച്ചഭീമന്‍ ആ വന്‍വ്യക്ഷംകുലുക്കി കപികളെ വിരട്ടിഓടിക്കുന്നതായും, മാന്‍മുതല്‍ ആന വരെയുള്ള മ്യഗങ്ങളെയൊക്കെ വിരട്ടി കാട്ടിലെരാജാവായി വിലസുന്ന സിംഹത്തിനെ കണ്ട വ്യഗോദരന്‍ തന്റെ ശംഖ് വിളിച്ച് സിംഹത്തിനെ വിരട്ടുന്നതായും കണ്ടു.ഇതു കൂടാതെ ‘അജഗരകബളിതം’ ഉള്‍പ്പെടെ പതിവുള്ള ആട്ടങ്ങളും ക്യഷ്ണകുമാര്‍ ആടിയെങ്കിലും അവക്ക് കുറച്ചുകൂടി അടുക്കുംചിട്ടയും വരുത്തിയാല്‍ നന്നായിരുന്നു എന്നു തോന്നി.
ശ്രീ ഫാക്റ്റ് പത്മനാഭന്റേതായിരുന്നു ഹനുമാന്‍. സമയക്കുറവുമൂലം ഹനുമാന്റെ ആട്ടങ്ങള്‍ ചുരുക്കത്തില്‍ കഴിക്കുന്നതായാണ് കണ്ടത്.
ഹരീഷും രാജേഷ് മേനോനുംചേര്‍ന്ന് ചിട്ടപ്രധാനമായ കല്യാണസൌഗന്ധികംനന്നായി പാടി.ക്യഷ്ണദാസ്,ശ്രീകാന്ത് വര്‍മ്മ, ശ്രീ കലാ:പ്രകാശന്‍,കലാ: പ്രശാന്ത് എന്നിവര്‍തന്നെയായിരുന്നു ഈ കഥക്കും മേളം.
ശ്രീപൂര്‍ണ്ണത്രയീശ സേവാസംഘം നടത്തുന്ന ഈ കളികള്‍ക്ക് ത്രപ്പൂണിത്തുറ കലാകേന്ദ്രത്തിന്റേതായിരുന്നു കോപ്പ്.ശ്രീ കലാനിലയം സജിയാണ് ചുട്ടികുത്തിയത്.
