കലാകേന്ദ്രം വാര്‍ഷികം (1)

ത്യപ്പൂണിത്തുറ കഥകളി കലാകേന്ദ്രത്തിന്റെ 35 മത് വാര്‍ഷികം2007മെയ് 19,20 തിയതികളില്‍ ത്യപ്പൂണിത്തുറ കളിക്കോട്ട കൊട്ടാരത്തില്‍ വച്ച് ആഘോഷിച്ചു.19ന് വൈകിട്ട് 6മണിക്ക് വാഷികപൊതുയോഗം നടന്നു. യോഗത്തില്‍ വച്ച് ശ്രീ കലാ:കരുണാകരന്‍ നായര്‍ സ്മാരകട്രസ്റ്റ് വക ‘കലാ:കരുണാകരന്‍ നായര്‍ സ്മാരക പുരസ്ക്കാരം‘ ശ്രീ കലാ: രാജന്‍ മാസ്റ്റര്‍ക്ക് സമ്മാനിച്ചു.

യുവകലാകാരന്മാര്‍ക്കുള്ള ശ്രീ കെ.വി.കൊച്ചനുജന്‍ സ്മാരക പുരസ്ക്കാരം കഥകളി ഗായകനായ ശ്രീ ഹരീഷ് മനയത്താടിന് മന്ത്രി എസ്സ്.ശര്‍മ്മ സമ്മാനിച്ചു.സുവര്‍ണ്ണമുദ്രയും പ്രശസ്തിപത്രവുംഫലകവും അടങ്ങിയതാണ് കൊച്ചനുജന്‍ സ്മാരക പുരസ്ക്കാരം.

കൂടാതെ കേന്ദ്ര സംഗീത നാടക അക്കാടമി അവാര്‍ഡ് നേടിയ ശ്രീ കലാ:ഗംഗാധരന്‍,ശ്രീ കൊട്ടക്കല്‍ ചന്ദ്രശേഖര വാര്യര്‍ എന്നിവരെ ആദരിച്ചു.ഒരു കഥകളി ഗായകന് ആദ്യമായി അക്കാഡമി അവാര്‍ഡ് കിട്ടുന്നത് ഇപ്പോള്‍ തനിക്കാണെന്നും എന്നാല്‍ തന്റെ ഗുരുവായശ്രീ കലാ:നീലകണ്ഠന്‍ നന്വീശന്‍,തനിക്കുമുന്‍പേ വന്ന ശ്രീകലാ:ഉണ്ണിക്യഷ്ണക്കുറുപ്പ്, ചേര്‍ത്തല കുട്ടപ്പക്കുറുപ്പ് തുടങ്ങിയവരെല്ലാം ഇതിന് അര്‍ഹതപ്പെട്ടവരായിരുന്നു എന്നും എന്നാല്‍ എന്തോ അവര്‍ക്കൊന്നും അതിനു യോഗം ഉണ്ടായില്ല എന്നും മറുപടിപ്രസംഗത്തില്‍ ശ്രീ ഗംഗാധരന്‍ പറഞ്ഞു.പതമഭൂഷണ്‍ ശ്രീ കലാ: രാമന്‍കുട്ടി നായര്‍ക്കും സ്വീകരണം നിശച്ചയിച്ചിരുന്നു എങ്കിലും അദ്ദേഹം എത്തിയിരുന്നില്ല.