ഉദയനാപുരത്തപ്പൻ ചിറപ്പ്

ഉദയനാപുരം ശ്രീ സുബ്രഹ്മണ്യസ്വാമിക്ഷേത്രത്തിലെ 

സ്വർണ്ണക്കൊടിമരപ്രതിഷ്ടാവാർഷികത്തോടനുബന്ധിച്ച് ഉദയനാപുരത്തപ്പൻ ചിറപ്പ് 15/01/2012മുതൽ 24/01/2012വരെ ആഘോഷിക്കപ്പെടുന്നു. ബ്രഹ്മശ്രീ ഒറവങ്കര അച്ചുതൻ നമ്പൂതിരി യജ്ഞാചാര്യനായുള്ള ശ്രീമത്‌ഭാഗവതസപ്താഹം, ലക്ഷാച്ചന, ഉദയാസ്തമനപൂജ എന്നിവകൂടാതെ വിവിധ കലാപരിപാടികളും ചിറപ്പിന്റെ ഭാഗമായി നടത്തപ്പെടുന്നു. 21/01/2012ന് വൈകിട്ട് 7:30മുതൽ സന്ദർശ്ശൻ കഥകളിവിദ്യാലയം, അമ്പലപ്പുഴ രുഗ്മാഗദചരിതം കഥകളി അവതരിപ്പിച്ചു.

മോഹിനിയുടെ സാരിനൃത്തം

ഇതിൽ മോഹിനിയായി വേഷമിട്ട കലാമണ്ഡലം ചെമ്പക്കര വിജയൻ 

മികച്ച ഭാവപ്രകാശനത്തോടെയും, ഭംഗിയാർന്ന ചൊല്ലിയാട്ടത്തോടെയുംകൂടി കഥാപാത്രത്തെ ഉൾക്കൊണ്ടുള്ള പ്രകടനം കാഴ്ച്ചവെച്ചു. മോഹിയുടെ പ്രവേശത്തിലുള്ള സാരിനൃത്തം തുടക്കത്തിലുള്ള രാഗാലാപനത്തോടെ പൂർണ്ണമായാണ് ഇവിടെ അവതരിപ്പച്ചത്. സാരിക്കു് രാഗമാലപിക്കുന്ന സമ്പ്രദായം ഇപ്പോൾ സാധാരണയായി പതിവില്ലാത്തതാണ്.