കഥകളി ആസ്വാദനസദസ്സിലെ മാസക്കളി

ഇടപ്പള്ളി കഥകളി ആസ്വാദനസദസ്സിന്റെ സെപ്തംബര്‍മാസ പരിപാടി 22/09/07ല്‍ ചങ്ങന്വുഴ പാര്‍ക്കില്‍ നടന്നു. ഈ മാസത്തെ പരിപാടി സദസ്സിലെ അംഗമായ ശ്രീ മേനോന്‍പറന്വില്‍ എം.എന്‍.നായര്‍, അദ്ദേഹത്തിന്റെ സപ്തതിപ്രമാണിച്ച് സ്പോണ്‍സര്‍ ചെയ്തിരുന്നു.

നളചരിതം നലാംദിവസമായിരുന്നു കഥ. ശ്രീ കലാ:ഗോപി ബാഹുകവേഷം ചടുലതയും നിലകളും ഉള്‍പ്പെട്ട തന്റെ തനതു ശൈലിയില്‍ വിദഗ്ധമായി അവതരിപ്പിച്ച് ആസ്വാദകരെ രജ്ജിപ്പിച്ചു.

ദമയന്തിവേഷത്തിലെത്തിയ ശ്രീ മാര്‍ഗ്ഗി വിജയകുമാറും കേശിനിയായെത്തിയ ശ്രീ കലാ:ഷണ്മുഖദാസും നല്ലപ്രകടനം കാഴ്ച്ചവെച്ചു.

ശ്രീ കോട്ടക്കല്‍ നാരായണനും ശ്രീ വേങ്ങേരി നാരായണന്‍ നന്വൂതിരിയും ആയിരുന്നു സംഗീതം.
ശ്രീ കാലാ:ഉണ്ണിക്യഷ്ണന്‍ ചെണ്ടയും കലാ:കേശവന്‍ ഇടക്കയും കൊട്ടി.

എറണാകുളം കഥകളി ക്ലബിന്റെ ചമയങ്ങള്‍ ഉപയോഗിച്ച് ശ്രീ കുമാരനും സംഘവും അണിയറകൈകാര്യം ചെയ്ത ഈ കളിക്ക് ശ്രീ കലാനിലയം സജിയാണ് ചുട്ടികുത്തിയത്.